Txindokiko zuhaitz parkera, abentura irteera

Udaberria eta eguraldi ona aprobetxatu, eta abentura protagonista izango den irteera antolatu dute Gazte Txo­koan, apirilean. Txindoki­ko magalean dagoen Itzala zu­haitz parkera joango dira, aire libreaz eta naturaz goza­tzera.

Tirolinak, zubiak,
eskalada...
Parkea Txindoki magaleko baso barruan egina dago, pago eta haritzen arten. Lau ibilbide egiteko aukera dago bertan, altuera eta adinaren arabera banatuta. Gaztetxoei zuzendutako ibilbideak Mi­ke­lats-atarrabi izena du, eta bederatzi gune ditu: tirolinak, zubiak, kableak...
Aste Santuko pazko astea aprobetxatuta, ostiralean egin­go dute irteera (izena aldez aurretik eman behar zen).
Irteeraz gain, tailer, txapelketa eta bestelako ekintzak ere, antolatu dituzte. Zazpi tailer izango dira guztira: paniniak eta gailetak egiten ikasteko, malabereak nola egin eta nola jolastu ikasteko, objektu edo kajak nola forratu jakiteko... Txapelketei dagokienean, lau antolatu dituzte: futbola, ping ponga, badmintona eta dardoak.
Bideojokoetan jokatzeko aukera ere izango da apirilean, WIIan eta Play Station­ean esaterako. Dj ikastaroa eta Sexuka solasaldia ere antolatu dituzte. Eta hilero be­zala, zinea ere, ez da faltako.

EKINTZAK:

Api. 2 - Zirko tailerra
Api. 3 - Tailer librea
Api. 5 - Irteera
Api. 6 - Sukaldaritza tailerra
Api. 7 - Itxita
Api. 9 - WII bideojokoa
Api. 10 - Forratze tailerra
Api. 12 - DJ ikastaroa
Api. 13 - Futbol txapelketa
Api. 14 - Dardo txapelketa
Api. 16 - Play Station
Api. 17 - Ordulari tailerra
Api. 19 - Sexuka
Api. 20 - Kamiseta tailerra
Api. 21 - Ping pong txapelketa
Api. 23 - WII bideojokoa
Api. 24 - Malabare tailerra
Api. 26 - Badminton txapel.
Api. 27 - Sukaldaritza tailerra
Api. 28 - Gazte Zinema
Api. 30 - Play Station