Sagardoaren Txapelketako finalerdietan neurtuko diren lau bikoteek, asteartean aukeratu zuten materiala, eta gaur jokatuko da aurreneko norgehiagoka. Urtasun eta Lizasok aurrez aurre izango dituzte Matxin III eta Etxeberria III. Partidua Galarretan jokatuko da eta 16:00etan hasiko den jaialdiko bigarrena izango da.
Pelota arinak eta bote
bajukoak
Urtasun eta Lizasok lau pelota arin aukeratu zituzten: 126 gramotako hiru pelota eta 129 gramotako bat. «Asko mugitzen diren pelota arinak dira, irabazten lagunduko digutela uste dugu», azaldu dute. Matxin III eta Etxeberria IIIak, 126, 127, 131 eta 132 gramotako lau pelota aukeratu zituzten. «Hiru, bote bajukoak dira eta laugarrena, bizkorragoa».
Larunbatean, Juaristi-Agirrezabala/Urriza-Zubiri
Bigarren finalerdia larunbatean jokatuko dute Juaristi-Agirrezabalak eta Urriza-Zubirik. Aurrenekoek, bote askoko pelotak aukeratu zituzten; bigarrenek, bote gutxikoak. Urriza izango da erreferentzia.