Partiduaren ostean, elkarrekin bazkaltzera

Hernaniko Kale Hezitzai­leek Futbol Txapelketa antolatu zuten atzo, 14-18 urte bitarteko gazteentzat. Berez, bi egunetan jokatzekoak ziren, baina Aste Santuko oporrak tarteko, bi talde bakarrik azaldu ziren eta partidu bakarrera jokatzea erabaki zuten. Inma­kuladako taldea eta Institu­tuko taldea izan ziren aurrez aurre. Lehia borrokatua izan zen. Ordubete iraun zuen partiduan, 6-6 berdindu zuten. Luzapena jokatu zuten ondorioz, eta berriz, berdinketa: 7-7. Azkenean, penaltitara erabaki zen txapelduna. Inma­kuladak 4-3 irabazi zuen. Dena dela, saria guztientzat izan zen. Guztiak elkarrekin bazkaltzera joan ziren.