harritzeko moduko abiadura jarri zioten txistulariek igandean Musika Bandaren kontzertuari, Arkupetan. Gonbidatu berezi gisa joan ziren hiru txistulari, herrian ondo ezagunak direnak: Jon Ansorena, Aritz Ezeiza eta Iñaki Eguren, eta hasieran eta tartean jo zuten bandarekin, Jon Pache atabalaria lagun zutela. Segundu batean zenbat nota jo litezkeen erakutsi zuten, eta entzuleen txalorik beroenak beraientzat izan ziren. Maila haundiko txistulariak izan ditu beti Hernanik, eta eskola badago oraindik, puxka baterako.
Txapelketa, larunbatean
Larunbateko txapelketan ia 55 txistularik hartu zuten parte. Gaztetxoetan (12 urte arte) Gorka Pagonabarraga durangarrak irabazi zuen; gazteetan (12-16 urte), Beñat Vicario antiguotarrak; eta taldeka, Binako talde donostiarrak. Hernaniko zortzi txistulari izan dira aurten: Ane Telletxea, Iraitz Apeztegia, Maialen Eguren, Maddi Galarza, Ihintza Iriarte, Olatz Gonzalez, Ane Sanz eta Asier Ansa.