Arnas premian da Hernanin, eta gaur dezentekoa hartu dezake, Alicanten, La Vilari irabazten badio. Hernani azkenaurreko postuan dago, promozionatzeko postuan, eta hamargarren postua 6 puntura dauka. La Vila da azkena dijoana, eta gaur irabazita, azkena geratzearen mamua ahaztuko luke. Gaur aukera paregabea da. La Vila gainbehera dijoa, orain bi urte liga irabazi zuenetik ez du bururik altxa, eta jende on askok aldegin dio. Hernani berriz oso ondo ari da jokatzen, eta gainera, hainbeste burukomin eman dizkion lesioak ari dira errekuperatzen. Hurrengo hiru partiduak ze gogorrak dituen ikusita (2garren, 1go, eta 3garren dijoazenen kontra), gaur puntu mordoxka ekarri beharra dago bueltan.
La Vila, zigor golpeetan arrikutsua
Erabat kamustua ez dago ordea talde alicantinoa. Badu arriskua oraindik, eta batez ere zigor golpeetan lortzen ditu puntuak. Sorribesen mamua ere ez da erabat ahaztu Landaren, eta hain juxtu huraxe da orain La Vilan zigor golpeak botatzeko ardura daukana, Gomez eta Quiranterekin batera. Horri ospa egiten saiatu behar dute hernaniarrek, inondik inora.
Hernani, gero eta inpresio hobea ematen ari den taldea
Zailtasunak zailtasun, Hernani oso itxura ona ematen ari da urte guztian. Azken partiduetan gainera, taldea ia osorik dago, eta edozein talderi sustoa eman diezaioke. Konfidantza badute, jarraitzaileak ere bai, eta gaur hezurrak zelaian uzteko bildurrik gabe aterako dira Vilajoiosan, 12:30etan, premizko arnasaren bila.