HIilabeteko azken igandetan, hutsik egin ezin duten hitzordua dute Goizuetako eta inguruko mendizaleek. Umore Ona elkarteak, Goizueta ezagutzen egitasmoa jarri du martxan eta bihar (Aste Santua dela eta, aurreratu egin dute), hirugarren mendi buelta egingo dute Goizuetan barrena.
Buelta erosoa, edozeinek egiteko modukoa
Antolatzen dituzten mendi bueltak erosoak dira, edozeinek egiteko modukoak eta 3-4 ordutakoak. Biharko ibilbidea honakoa izango da: herriko plaza-Itxortxa-Bistalekuko borda-Ikatzola-Sanpedroko borda-Olatxo-herrira buelta. Goizeko 09:00etan abiatuko dira.
Urtarrilaren 27an egin zuten lehenengo mendi buelta eta bigarrena, martxoaren 3an egin zuten, otsailaren azken igandean elurra egin baitzuen. Asmoa badute, 6-8 bat mendi buelta egitekoa denera.