40 talde eta ehundaka herritar, euskeraren alde korrika

Urnietatik, arratsaldeko 18:30ak aldera iritsiko da gaur Korrika, Hernanira. 40 taldek hartuko dute testigua eta ehundaka herritar izango dira eurekin batera korrika egingo dutenak. Aurtengo lemarekin bat eginez, euskara elkarri emango diote. Lehenengoak testigua har­tzen, Mugimendu feminista­ko kideak izango dira. Man­da­zu­biko errotondan egongo di­ra zain. Handik, Santa Barbara auzoan sartu eta Txantxi­lla­ra­ko bidea egingo du Korri­kak. Ber­tatik, Lizea­ga, Kaxkoa, La­tsun­be eta Antziola auzoak zeharkatuko ditu. Zinkoe­nea­tik, Martin­de­gira egingo du bi­dea eta Astigarragan sartuko da.

Ikasleei omenaldia, aurretik
Aurtengo omenduak, euske­ra ikasleak dira eta Korrika iri­tsi aurretik omenaldia egin­go zaie Txantxillako errotondan. Arratsaldeko 18:15etan izango da hori.

Egun osoko festa
Korrika aurretik eta ondoren, herria girotzeko, ekitaldi ez­ber­dinak antolatu dituzte Her­na­niko elkarte eta talde ez­ber­di­nek, AEKrekin batera. Gaz­te­­txoen­tzat jolasak izan­go di­ra, pe­lota partiduak Tilose­tan, kan­­tu jira herrian barrena eta bazkaria Atsegindegin. Korri­ka pasa ostean, errome­ria izan­go da Plaza Berrin. Orko­laga eta Martindegi auzoe­tan ere ekin­tza ezber­dinak anto­latu dituzte. Orko­la­gako eki­tal­diak direla eta, aldaketak izango dira trafikoan.

Bihar Baionara joateko, autobusa
Bihar bukatuko da Korrika Baionan, 2.587 kilometro egin ostean. Hara joateko auto­busa jarri dute eta 09:45etan abiatuko da Atse­gindegitik. Baionatik buel­tatzeko, 20:00e­tan abiatu­ko da auto­busa. Txar­telak Garinen daude salgai, 10 euroan.

Gipuzkoako Eskola Txikiak Aparrainsoron
Gaur Gipuzkoako Eskola Txikikietako ikasle eta gurasoak Aparrainsoron elkartuko dira zuhaitz eguna lehen aldiz ospatzeko. Haritza, gaztainondoa, pagoa eta astiarra izango dira landatuko diren zuhaitzak; guztira 600 zuhaitz. Lan pixka bat egin ondoren, hamaiketakoa izango da guztientzak. Propo­sa­mena Ner Group taldeak luzatu zuen eta beraien eta Hernaniko Udalaren lagun­tzarekin ekimena gaur burutuko da.
Eguna borobiltzeko, Korri­kara joateko dei egin dute. Eskola Txikien Gura­soen Koordinadorak ere bere tartea izango du gaur Korrikak Hernanin egingo duen itzulian. Dagokion kilometroa 2365.a da eta piszina irekiko sarreran elkartuko dira.

LEKUKO ERAMALEAK

2342 - Mugimendu feminista
2343 - A. Iturriaga institutua
2344 - Hernaniko kuadrila bat
2345 - Akelarrea
2346 - Euskera ikasleak (Omenduak)
2347 - Dobera
2348 - Kronika
2349 - Berriak
2350 - Garin taberna
2351 - Bertso Eskola
2352 - Etxerat
2353 - Herrira
2354 - Portu auzoa
2355 - Hernani Wukrorekin
2356 - Hernaniko AEK
2357 - Ezker Abertzalea
2358 - Ttarla dantza taldea
2359 - Gazte Txokoa
2360 - Inmakulada ikastetxea
2361 - Urumeako guraso elkartea
2362 - Langile ikastola
2363 - Haur eskola
2364 - Txirrita
2365 - Eskola txikiak
2366 - Elizatxo ikastola
2367 - San Joan konpartsa
2368 - Kantu jira
2369 - Orkolaga bizirik
2370 - Hernaniko Udala
2371 - Kantuz abesbatza
2372 - Errgubi taldea
2373 - Hernani kirol elkartea/Judo taldea
2374 - Arraun elkartea
2375 - Mendiriz Mendi
2376 - Udal langileak
2377 - AMR
2378 - Goizuetarrak
2379 - Ereñotzuko Auzo Udala
2380 - Orona
2381 - Martindegi auzoa

EGITARAUA
11:00, Gazte gunea (11-16 urte bitartekoentzat): Marrazki
lehiaketako sari-banaketa eta erakusketa, musika,
hamaiketakoa, punteria
jolasak... udaletxeko arkupetan.
12:00, Kantu jira herriko
kaleetan zehar.
14:00, Herri bazkaria
udaletxeko arkupetan.
*Sarrerak salgai, Oindi eta
Garin tabernetan eta AEK
euskaltegian; 12 euro.
15:00, Pilota partiduak Tilosetan (Pelota elkarteak
antolatuta).
18:15, Ikasleei omenaldia Txantxillako errotondan.
18:30, KORRIKA 18.
20:00, Erromeria Plaza Berrin edo Atsegindegin (eguraldiaren arabera), San Joan konpartsak antolatuta.
AUZOETAN:
Orkolagan
11:00, Haur-jolasak.
12:00, Toka: herri
txapelketa. Saria: 2
txuleta+2 sagardo botila. Saria, Orkolagako Balerdi harategiak eskainia.
11:00-13:00, Talo
tailerra+barrikotea Anboto tabernak eskainia.
14:30, Auzoko bazkaria
(paella).
18:30, Ongi etorri Korrika!
20:00, Herriko taldeekin Rock kontzertuak (Eztanda, Bloody brotherhood, Brutal calling + talde sorpresa...)
Martindegin
17:00, Haur eta
gaztetxoentzat jolasak.