Sukaldaritza, artisautza lanak, margolariak... Aste Santurako tailerretan, izen-ematea

Aste Santuko oporraldirako tailerrak antolatu dituzte Astigarragan, 5-11 urte bitarteko gaztetxoei zuzenduak. Martxoaren 25, 26 eta 27an bi emango dituzte. Bremengo musikariak da bat, eta bertan, instrumentuak egin, pertsonaiak karakterizatu eta ipuina osatzen ikasiko dute; 10:15etatik 11:45etara da, eta 10 euro balio du. Cupcake galletak egiten ikastea da bestea; 12:00etatik 13:30etara da, eta prezioa, 12 euro. Beste bi tailerrak apirilaren 2tik 5era antolatu dituzte. Margolari gazteen tailerrean teknika eta eskola ezberdinetako margotze lanak egiten ikasiko dute; 10:15etatik 11:45etara, 12 euroren truke. Azkenik, paperezko artisautza lanak tailerra 12:00etatik 13:30etara izango da, 12 euroan.Informazio gehiagorako edo izena emateko, Astigarragako kultur etxean edo 943 33 50 64 telefonoan.