bakoitza bere arloan, borrokalariak hiruak; hala aurkeztu zituzten atzo Pedro Santa Kruz, Maider Unda eta Joxe Mari Aizega kofrade berriak. Sagardoaren mundua betidanik ezagutzen dute, eta izandako lotura eta egindako lana omentzeko asmotan, Kofrade izendatu zituzten atzo. Zin egin zuten hiruek, aurrerantzean lan egingo dutela sagardoaren alde, euren defentsa izango duela hain preziatua den produktu honek.
Esker hitzak, hiruek
Joxe Mari Aizegak barru barrutik eskertu zuen izendapena: «opari hunkigarria da, hernaniar bezala, izugarria, nere bizitza hemen sortua da. Sagardoa defendatzen jarraituko dut, gure ondare gastronomikoa da».
Pedro Santa Kruzek ere esker hitzak izan zituen: «Eskerrik asko guztiei. Sagardo ederra edan nahi baduzue, eta nirekin une atsegina pasa, badakizue, Larre Gainera gerturatu».
Undak eguneroko bizitzan sagardoaren alde egingo zuela esan zuen: «eskerrik asko benetan. Nire bizitza naturala da, eta bide horretan aurrera egiten saiatzen naiz».
Egun borobila,
euria egin arren
Hamaiketakoa eta kale bueltarekin hasi zuten eguna kofrade berriek eta gainerako herrietatik etorritako kofradiek. Taldeko argazkia atera, eta Biteri barrura sartu ziren, ekitaldi nagusira.
Agur jaunak abestiarekin hasi zuten ekitaldia, eta ondoren, kofrade berri bakoitzaren ibilbidea gogoratu zuten. Domina eta diploma jaso, eta kupelaren bueltan, sagardoaren alde egin zuten zin Santa Kruz, Unda eta Aizegak. Agurtzeko, hiru abestiz gain, bertso bana abestu zien Kantuz abesbatzak.