Firma biltzen ari dira Elizatxo ikastolako irakasleak irakaskuntzako murrizketen kontra. Azken hiru urteetan murrizketa haundiak jasan ditu hezkuntzak, eta orain, LOMCE lege berriak murrizketa gehiago aurreikusten ditu. Horri aurre egiteko asmoz, talde berria sortu dute Elizatxoko irakasleek, hainbat ekintza antolatzeko. Hasteko, gutun bat bidali diete gurasoei murrizketen inguruko informazioarekin; eta datorren astean, LOMCEri buruzko informazio guztia bidaltzeko asmoa dute. Pankartak ere jarri dituzte, murrizketen eta LOMCEren kontrakoak.
Sinadura bilketa
ostegunera arte
Sinadurak biltzen ere hasi dira. Irakasleen sinadurak bildu dituzte momentuz, baina guraso eta herritarrei dei egin diete sinatzera. Martxoaren 21a arte ariko dira biltzen, eta helburu dute ahalik eta gehien batzea. Bildutako sinadurak Udalean sartuko dituzte.
Bestalde, mozio bat sartzeko intentzioa ere badute, martxoaren 26ko Plenoak aztertu dezan.
Ostiral beltzak
egiteko intentzioa
Ostiral beltzak egiteko asmoa ere azaldu dute, hau da, kamiseta beltza eta pankartekin ateratzeko intentzioa. Ordutegiak eta abar asanbladan erabakiko dituzte ordea, eta hori Aste Santutik bueltan izango da.
Urumea eta Langilerekin harremanetan, mobilizazio bateratuak egiteko
Langilen ere ari dira firma biltzen, eta Elizatxotik jakinarazi dutenez, hauekin eta Urumeako irakasleekin kontaktuan daude, mobilizazio bateratuak egiteko.