Iturmendi eta Buxkando baserrien artean dago ‘Iturmendiko jentilkoba’ edo ‘Txanpinoiaren kobazuloa’ deiturikoa. Kobazuloa ikusteko, 11:00etan jarri dute hitzordua Antziolan. Bisita gidatua izango da.
Interes haundiko kobazulo edo leize-zulo bat bada Hernanin. Iturmendiko jentilkoba esaten zaio. Iturmendi eta Buxkando baserrien artean dago eta Antziolako eta inguruko bizilagunek Txanpinoiaren kobazuloa ere deitzen diote. Izan ere, bertan, txanpinoiak hazten zituzten garai batean.
Felix Ugarte elkarteak, hau da, lurrazpiko ikerketa eta zaintzarako elkarteak, txukunketa lanak egin ditu, leizearen barrualdeak duen garrantzia ikusita. Eusko Jaurlaritzarekin eta Hernaniko Udalarekin aritu da elkarlanean, eta gaur, aurkezpen ekitaldia antolatu dute herritarrei erakusteko.
Goizeko 11:00etan jarri dute hitzordua Antziola auzoan. Ondoren, 12:00etan, bisita gidatua izango da kobazuloaren kanpoaldetik eta barrualdetik. Proiektuaren berri emango dute. Bideo txiki bat ere ikusteko aukera izango da, kobazuloa txukundu aurreko eta ondorengo irudiekin. Bisita bukatzeko, 13:00-13:30ak aldera, sagardoa eta txanpinoiak izango dira.
Kronika egunero, euskaraz eta doan jasotzen segi ahal izateko, Kronikakide gehiago behar dira, eta zer esanik ez, proiektu komunikatibo sendo eta profesional bat garatu nahi badugu.
Egin zaitez KronikaKide!