Esperientzia eta ilusioa, bi artista hernaniarren eskutik

lehengo eta oraingo lanak uztartu ditu Jose Angel Yan­cik; Mariarro Peñak erakusgai jarri dituen koa­droek isiltasun mental eta fisikoa transmititzen dute, tentsio punttu batekin. Bi artista hernaniarrek era­kusketa jarri dute Biteriko erakusgelan. Hilaren 26ra arte izango dira lanak ikusgai; eta ordutegia, be­tikoa, 18:00etatik 20:00­etara, astez. Bi artistak hernaniarrak dira. Yancik ibilbide luzea du era­kusketen munduan; Peñak, formalki, aurrenekoa du. Ilusioa ordea, haundia dute biek. Guztira 72 koadro daude ikusgai: horietatik 50 koadro, txikiak, Mariarro Peñarenak dira; eta 22, tamaina ertain eta han­dikoak, Jose Angel Yan­cirenak.

Mariarro Peña: «Dibertumendu gisa hasi nintzen margotzen»
Mamut merkatalgunean de­ko­razio taller batean egi­ten zuen lan Mariarro Peñak. Eskuz gauza txikiak mar­go­tzera dedikatzen zen besteak beste, eta ordutik, barru ba­rruan du afizioa: «diberti­men­du hutsa zen hasieran, baina hasi nin­tzenetik ez diot mar­gotzeari utzi». Bere lanak de­fini­tzerako garaian dio, koa­dro berri guztiak mantxa batekin hasten dituela, eta ondoren, bizitasuna ematen diela: «mantxek isiltasun mental eta fisikoa transmi­titzen dute. Ondoren, toke berezi bat ematen diet, tentsio punttu bat ere izan dezaten lanek». Lehendik ere, bitan, bere lanak erakusgai jarritakoa da: Donos­tiako Tai Chi eskolan eta taberna batean. Formalki, erakusgela batean, aurreneko aldia du. Mariarro Peñaren koa­droak erosi nahi di­tuenak aukera du Biterin; 25 eta 50 euroan ditu salgai.

Jose Angel Yanci: «Lehenengo koadroak Biterin margotu nituen»
Esperientzia haundia du erakusketetan Jose Angel Yancik, baina honek, ilusio berezia egiten dio. Hogeitik gora erakusketa jarri izan baditu ere, Hernanin estrei­nekoz jarri du, eta gainera, Biterin: «hernaniarra naiz, eta margotzen Biterin ikasi nuen. Oso diferente gogoratzen nuen, baina bertan nire lana erakusgai jartzea eskaini zidatenean, ez nuen bitan pentsatu. Oso pozgarria izan da hona bueltatzea; pentsa, nire afizioa, nire lehenengo lanak, hemen sortuak dira». Orain hamar urte eta negu honetan marraztutako koadroak uztartu ditu Yancik erakusketan, batzuk lientzoan eta besteak paperean margotuak. Guz­tiak ditu salgai; prezioa, 150 eta 550 euro artean.