ekaitz Cisneros eta Suharri Rodriguez dira Gipuzkoako txapeldun berriak Trinketean, kadete mailan. Larunbatean jokatu zuten finala Iruran, eta nagusi izan ziren hasieratik Leonet anaien kontra. Fisikoki indartsu zirela nabaria zen; teknika aldetik ere, erraz gailendu ziren partidu osoan. Emaitzak argi erakusten du alde hori: 40-8. Cisneros eta Rodriguezek jantzitako txapela denboraldiko 13garrena izan zen Hernaniko pelota elkartearentzat.
Esnal eta Oiagak ezin
Emaitza bestelakoa izan zen Senior mailan. Esnal eta Oiaga hernaniarrek 40-31 galdu zuten Astigarragako Salaberria eta Gurutzalderen kontra. Partidu ederra izan bazen ere, astigartarrak hobeak izan ziren, eta sakez egindako tantuak klabea izan ziren irabazteko.