Aurten urteurren berezia beteko du Extremadurako Jardunaldiak. 25. urteurrena hain justu eta hori ospatzeko Extremadurako Kultur Guneak ekitaldi desberdinak antolatu ditu datorren asteburuan zehar, apirilaren 1ean eta 2an.
Asko dira Extremaduratik Hernanira bizitzera etorritako herritarrak, eta jardunaldi hauen bidez, bi herrietako kulturak gerturatu eta elkar ezagutzea dute helburu. Horrela, hainbat ekitaldi antolatu dituzte.
Batetik, larunbatean apirilaren 1ean, arratsaldeko 19:30etan, hitzaldia izango da Biterin. Ines de Suarez. Extremadurako emakumea Txileko konkistan du izenburua eta Ezequiela Albarrán García irakasleak eskainiko du.
Bestetik, igandean apirilaren 2an, azoka jarriko da Atsegindegin; 10:00etatik hasita, liburu eta turismo propaganda azoka eta jakiak izango dira.
Extremadurako jaki gastronomikoak eta turismo zona desberdinen triptikoak banatuko dira eta 13:00ean Donostiako Virgen de Guadalupe (Kultur Zentroa) taldearen dantza erakustaldia eskainiko du eta itxiera emango diote urteurren berezi honi.