Animazioko zinea bueltan da Astigarragako kultur etxean, pelikula arrakastatsu batekin. Teresa eta Galtzagorri jarriko dute gaur; 2016ko Goya sarietara nominatu zutena, Agurtzane Intxaurragak zuzendua. Arratsaldeko 17:00etan hasiko da filma, euskeraz, eta 72 minutuko iraupena dauka.
Sarrerak, ordubete lehenago jarriko dituzte salgai, kultur etxean bertan, 2 euroan.
Ferianteetatik ihesi
Iratxoa da Galtzagorri; eta iratxoek, udaberria ekartzen digute urtero. Aurrenekoz etorri da bera, eta feriako soinu erakargarriek nahastuta, gainerakoetatik bereizi da, eta bi feriantek harrapatu dute, zirkuko atrakzio gisa explotatzeko.
Teresa, berriz, sei urteko neska da; alaia eta ipurtarina. Ferian ikusiko du Galtzagorri, jendaurrean ikusgai, eta berarekin eraman nahiko du. Galtzagorrirentzat, berriz, handik ihes egiteko aukera da.
Horrela, neskaren etxean ezkutatu eta babestuko da iratxoa, eta hainbat abentura biziko dituzte elkarrekin.
Baina denborarekin, bere mundura bueltatu beharra sentituko du Galtzagorrik, eta horretan ere lagunduko dio Teresak. Baina zelatan izango dute ferianteetako bat...