Antzerki zikloak ez du etenik eta atzo Francoren bilobari gutuna eskaini eta gero gaur Idiot Txouren ordua izango da, Biteri kultur etxean. Euskeraz izango da hau ere eta iluntzeko 20:00etan hasiko da.
Idiot Txou irrati saio bat da eta audientzia arazoak tarteko, eskuetatik joango zaizkien edukiak lantzen hasiko dira. Bizi dugun aktualitatearen kritika umoretsua da saioa.
Azkenik, bihar, Los perros eskainiko dute, etsipena hartutako hiru gaixoren azalean, haien familiek abandonatuta. Ordu berean, 20:00etan hasiko da, baina hau gaztelaniaz izango da.
‘Los perros’ saiorako sarrerak geratzen dira
Teatro a la Plancha konpainiaren lana da. Beraien familiak eta gizarteak abandonatutako hiru etxegabetuen historia kontatzen da umorea erabiliz. Sarrerak oraindik ere lortu daitezke azken saio honetarako.