Borrokatzera atera behar du gaur Hernanik, Ohorezko Mailan jarraitu nahi badu. Eta horretarako zita polita dauka gaur etxeko zelaian, Landaren.
Urtarrilaren 16ko denboralearen ondorioz atzeratu behar izan zuten partidua jokatuko dute Gernikaren kontra, 12:00etan hasita.
Azkeneko bost partiduak
Momentu onean datoz gernikarrak Hernanira; izan ere, hernaniarrei indarra eman zien aurreko asteburuko garaipenak, eta gainera, zeuzkaten bajak errekuperatu dituzte.
Horrez gain, bultzada haundia emango lieke trikoloreei gaurko norgehiagokak.
Beharrezko indarra gainera, hemendik aurrera dauzkan aurkariak kontuan hartuta, kontrario zuzenak denak: Gernika bera, Getxo, Bartzelona eta Ciencias.
Horien kontra jokatuko ditu Hernanik azkeneko bost partiduak, Ohorezko Mailan geratzea ahalbidetuko diotenak.