Martxoaren 19arekin, herri galdeketa antolatu dute BagaGiltzak eta Gure Esku Dagok Hernanin eta Astigarragan, eta Ereñotzura ere zabalduko da bozkaketa eremua, baita «demokraziaren festa» ere.
Egun osoko egitaraua
Goizeko 11:00etan hasita, ez da ekintzarik faltako Ereñotzun. Haurrentzako antzerkia emanaldia izango da orduan, eta bitartean, girotzeko, pintxoak eta edariak dastatu ahal izango dira.
Eguerdiko 14:00etan egingo dute bazkari herrikoia, aurretik izena eman dutenekin. Eta bazkalostean, txokolatada izango da meriendatzeko. Musika emanaldia ere eskainiko dute.
Bitarte horretan ere, 09:00etatik 20:00ak arte, hauteslekua irekita egongo da pelota plazan, ereñotzuarrek bozka eman dezaten.