Txistulari hotsek hartuko dute herria datorren asteburuan, eta horren iragarle, kontzertua eskainiko dute igandean. Hernani Musika Eskolako txistulari eta alboka taldeak izango dira protagonista, eguerdiko 12:30etatik aurrera, udaletxeko arkupeetan.
Kontzertu berezia, etzikoa
Urtean zehar egiten den Txistulariak arkupeetan zikloaren barruan eskainiko duten kontzertua da, baina oraingo honetan are bereziagoa izango da, albokariak izango baitituzte lagun.
Bi zati, emanaldiak
Emanaldiak bi zati izango dituela jakinarazi dute. Aurrenekoan, txistulariek joko dute elkarrekin. Hainbat doinu entzun ahal izango dira, baina bereziki nabarmendu dute bat: Hernaniko Axeri Dantza. Jose Ignazio Ansorenak osatutako suitea da: «gure herriko axeri dantzako doinuak moldatuz (idiarenak bereziki), eta biribilketa, orripekoa eta arin-arin berri bana erantsiz», azaldu dute.
Bigarren zatian, aldiz, albokariek hartuko dute lekukoa.
Eta bukatzeko, denek bat eginda bueltea eskainiko dute, hau da, fandangoa, arin-arina eta kalejira.
Txapelketa eta topaketa, datorren astean
Datorren astean ere, txistulariak protagonista izango dira herrian: larunbatean gazteen txapelketa izango baita, eta igandea, aldiz, topaketa.