Urtarrilaren 22an zen jokatzekoa Hernani eta Gernikaren arteko derbia, Landaren; baina aste horretako denboralea medio, atzeratu behar izan zuten.
Bi taldeek hala adostuta, igande honetan izango da norgehiagoka, eguerdiko 12:00etan hasita, Landaren bertan.
Irabazi beharreko partidua
Aukera polita izango du Hernanik partidua irabazteko. Izan ere, Gernika ez dago bolada oso onean, eta trikoloreak, aldiz, indartsu daude aurreko asteburuko garaipenaren ondoren. Gainera, partidua irabaztea pausu haundia izango litzake Hernani Ohorezko Mailan geratzeko.
Bi taldeen harremanak, hobera
Aurreko urteko liskarren ostean, aurreneko aldiz egingo dute bat zelaian Hernanik eta Gernikak. Baina ez da espero gorabeherarik, izan ere, badirudi bi taldeen arteko harremanak lasaitu direla eta hobera egin dutela.
Aurkari zuzenak, datozen partidutan
Lau partidu geratuko zaizkio igandetik aurrera Hernaniri. Horietatik, hiru Landaren izango dira, denak aurkari zuzenen aurka.