Hernaniko Udaleko, eta beraz, Orain Hernani udal taldeko zinegotzi izateari utzi zion otsaileko Plenoan David Guiradok. Horren harira, balorazioa egin du taldeak prentsa-ohar bitartez.
Bertan diote, «atsekabetzen» dituela kargua uzteko azaldu zituen arrazoiengatik. Baina, dena den, eskerrak eman nahi dizkiete egindako lanagatik: «bere denbora eta orain arteko esfortzua eskertzen dizkiogu eta bere etapa berri honetan zorte ona opa diogu», diote oharrean.
Guiradori «bere denbora eta orain arteko esfortzua» eskertu diote.
«Babesa», Aristregiri
Era berean, «talde osoak babesa eman nahi dio Jaione Aristregi bozeramaileari, zinegotzi ohiaren hitz gogorrak zuzenean jaso zituena izateagatik». OH!ren ustez, «lekuz kanpo» zeuden, eta «azalduezinak» dira.
Horregatik guztiagatik, Aristregi animatu nahi dute «orain arteko lanarekin jarraitzera, tentsio eta konpromezu osoarekin».
Taldea, motibatuta
Azkenik, Orain Hernaniko kideek herritarrei jakinarazi nahi diete «taldea lehen bezain motibatu eta itxaropentsu dagoela». Baita «bateratuta» ere.