Udaberriaren hasierarekin batera, apirilaren 3an emango zaio hasiera aurtengo Tilos 7 Pasa pala txapelketaren zazpigarren edizioari. Astelehenetik ostegunera bitarte, egunero izango dira partiduak; ekainaren 17rako jarri dute, gainera, final haundirako data.
Azken urteotan bezala, hiru mailetan jokatuko da txapelketa: lehenengoa, bigarrena eta neskena.
Izenematea, igandera arte
Apirilera arte hasiko ez bada ere, igandean itxiko dute izena emateko epea. Pala gustuko duen edonorrek eman ahal izango du izena, baina antolatzaileek azaldu dute 60 bikotetan jarri dutela muga, aurten. Horretarako, whatsapp zenbaki bat jarri dute: 607 198 233.