Azken hiru egunak, aurretik bozkatzeko

Igande honetan, martxoak 19 egingo du Gure Esku Dago-BagaGiltza plataformak he­rri galdeketa; astigartarrek au­kera izango dute baiezko, ezezko edo boto zuria ema­teko. Hori bai, ezinbestekoa da NANak zehazten duen bi­zi­tokia ‘Astigarraga’ izatea; «he­rritar berriak badira, eta NANa aldatu ez badute, ezin­bestekoa izango da Udalean errolda agiria eskatzea; os­tiralera arteko epea dago», azal­du dute. Berdin, gaur, bi­har edo etzi aurretik bozkatu nahi dutenen kasuan ere.

Santiomendin, erdigunean eta Martindegin, aurretik
Gaur, bihar eta etzi, oraindik izango da aukera, galdeketa eguna baino lehen boz­ka­tzeko.
Gaur, 17:30etatik 19:30e­tara, Santiomendin, Plaze­txen jarriko da botoak ja­so­tze­ko kutxa. Bihar, 18:00e­ta­tik 20:00etara, Pelotari ka­lean, Otamendi autoeskolan. Az­kenik, ostiralean, 17:00e­ta­tik 19:00etara, Martindegi auzoan.

Igandean, bi gune
Bozkatzeko egun ofiziala, be­rriz, martxoaren 19a, igan­dea izango da; 16 urtetik go­ra­ko astigartarrek, edo he­rri­an erroldatutakoek boz­ka­tu ahal izango dute, 09:00e­ta­tik 20:00etara Erribera Plazan edo Pelotari kalean (Ota­mendi autoeskolan) ja­rri­ko diren hautetsontzietan.
Horrez gain, festa eguna izango da; txupinazoa eta diana, bizikleta martxa, kale futbola, trikitilariak, Aiz­ton­do abesbatza, sagardoa, hi­tzal­dia, bertsolariak, zunba saioa... Denetik izango da. 

EH Bilduk ere babesa, herri galdeketari

Ostiral iluntzean argazkia atera zuten Astigarragako EH Bilduko lehengo eta egungo hautetsiek, Gure Esku Dagok martxoaren 19rako antolatutako herri galdeketari babesa adierazteko, eta era berean, baie­tzaren aldeko botoa eskatzeko.