Sarek antolatuta, mahai-inguruan arituko dira gaur Iñigo Iruin abokatu hernaniarra, Pakito Lujanbio preso ohia, eta Idoia Ibero Sareko kidea. Giza Eskubideak eta Estatuaren tranpak izenburupean, Biterin izango da, arratsaldeko 19:00etan hasita. Herritarrei bertaratzeko gonbidapena egin diete.
Bakoitza, bere alorrean
Gaiaren inguruko alor guztiak landuko dituzte gaurko solasaldian. Horrela, Iñigo Iruinek jarriko du aditu puntua, eta azalduko ditu espainiar gobernuak salbuespen legediaren aurrean erabiltzen dituen tranpak.
Lujanbiok, aldiz, preso izan den heinean, eta Parot doktrina jaso zuenez, bere lekukotza pertsonala eskainiko du.
Azkenik, Idoia Ibero Sareko kideak elkartearen inguruan hitz egingo du. Zehazki azalduko Sareren bilakaera nolakoa izan den, zertan dabilen gaur egun, eta zein izango diren etorkizuneko lan ildoak.