Igandean da herri galdeketa Hernanin eta Astigarragan, eta herria girotzeko, hainbat ekintza antolatu ditu BagaGiltza herri plataformak azken asteetan.
Aste honetan ere, ez da planik faltako. Aurrenekoa, bihar bertan izango da: mahai-ingurua egingo dute Biteri kultur etxean.
Anna Gabriel eta Alejandro Serrato, biharko zitan
Naroa Iturri kazetariak gidatuta, parte hartuko dute Anna Gabriel Catalunyako CUPeko diputatuak eta Podemos Andaluziako Alejandro Serratok. Arratsaldeko 19:00etan hasita, Biterin arituko dira erabakitzeko eskubidearen inguruan.