Izugarrizko arrakasta eginda bueltatu ziren aurreko astean ereñotzuarrak Irundik. Txingudi 1 taldeko kideen aurka 6-18 irabazita, eta ezustekorik izan ezean, hurrengo faserako txartela eskuratzeko aukera izan zuten bertan. Bertsotarako abilezia erakutsi zuten bertan Ibon Miner, Aritz Zerain, eta Iñaki Zelaia ereñotzuarrek, eta Amaia Otxotorena ibili zen epaile lanetan. Atzo, Kronikaren erredakzioa itxi ondoren jokatu zuten Azkoitia eta Irunek aurreneko faseko azkeneko saioa, eta horren arabera, jakingo dute ereñotzuarrek hurrengo fasean dauden ala ez. Dena den, ezustekoa beharko da ereñotzuarrek aurrera ez egiteko.