Dokumentala gaur Biterin, Atxorrotxeko gazteluari eta 1200eko konkistari buruz

Aurreko asteartean izan zen Biterin Angel Rekalde soziolo­goa, Atxorrotxeko gaztelua, den­boraren talaiatik doku­men­ta­la aurkezten, eta memo­ria­gu­ne ga­rrantzitsu horri bu­ruz­ko historia ezagutzera ematen.
Ba gaur, dokumentala bera jarriko dute Biterin, arratsal­deko 19:30etan hasita. Naba­rral­dek eta Hernani Erro­tze­nek egin dute dokumentala, elkar­la­nean, eta bertan jaso dute, Atxo­rrotxeko gazteluaren his­to­ria; bereziki, 1200eko konkista.

Euskal lurraldearen historian, «erabakigarria»
Rekalde bera, Beñi Agirre her­naniarra eta Miren Mindegia kazetari nafarra arduratu dira dokumentalaren gidoiaz, do­ku­mentazio lanaz eta ikerketaz.
Atxorrotxeko gaztelua da dokumentalaren erdigunea, eta hortik abiatuta jorratu dute 1200eko konkista, «euskal lu­rral­dearen historian, eraba­ki­ga­rria izan zen pasarte his­to­riko bat». Pasarte hori berres­kuratzea zuten helburu, doku­men­talean; hori bezala, beste memoriagune asko daudelako ahaztuta, Rekaldek berak azal­du duenez.
Hain justu, Atxorrotxekoa zen Gipuzkoako jatorrizko hiru lurralde edo tenentzietako bat, Ipuzkoa eta San Sebastian de Hernani­re­kin batera.

Dokumentalaren ondoren, solasaldia Orellarekin
Dokumentala egiteko proze­su­an, partehartze aktiboa izan du Jose Luis Orella historia­la­riak ere, historia aholkulari gisa. Eta gaurkoan, Biterin egongo da bera ere. Dokumen­talaren aurkezpena egingo du Orellak, eta bukaeran, solasal­dia egingo dute, berarekin.
Ber­taratutakoen galderak eta zalantzak argituko ditu his­torialariak.