Animalien eskubideen alde, jaialdia egingo dute gaur, aurreneko aldiz, Katuetxe-Sorabilla elkarteak antolatuta. Goizeko 10:00etan hasiko da, Atsegindegin, eta eguerdiko 14:30etara arte izango dira ekintzak.
Helburua da, «herritarrak kontzientziatzea» animalien eskubideen inguruan, eta ikusgai egitea, boluntarioz osatutako elkarte horiek, animalia abandonatuak eta gaizki tratatuak erreskatatu eta laguntzen dituztenak.
Horretarako, elkarte bakoitzak mahai bana izango du, 10:00etatik aurrera. 11:00etan, txakurren abilezia tailerra egingo dute, eta 12:30etan, edertasun lehiaketa (apuntatzeko, 10:00etatik 11:00etara).
Errifa zozketa bat ere egingo dute, eguerdiko 14:00etan.