Hamaikagarrenez egingo da gaur Sagar Lasterra herri-lasterketa. Izena eman dutenek 09:00etatik aurrera jaso ahal izango dute dortsala, kiroldegian. Lasterketa, berriz, 11:00etan hasiko da, Ibarluze poligonoan, Arraun Elkartearen paretik. Bertara joateko doan jarriko da autobusa, kiroldegitik, 10:10etatik 10:30etara.
Bederatzi kilometro
Guztira, 8,9km egin beharko dira, hainbat sagardotegitatik barrena; Goiko-Lastola, Iparragirre, Altzueta, Olaizola, Otsua-enea eta Itsasburu. Handik, Portun barrena Floridaraino jaitsi, Latsunbe auzora igo, eta Ave Maria parkean bukatuko da. Ondoren, kiroldegian dutxatzeko aukera izango da.
Sariak, zozketan
Azken parte-hartzailea helmugara iritsi bezain laster, sariak banatuko dira; absolutuetan eta beteranoetan, gizon eta emakume azkarrenei.
Ondoren, makina bat sari zozketatuko dira.