Zenbait lan burutuko ditu Udalak, herriko hainbat tokitan, datorren astean zehar. Batetik, Atzieta kaleko saneamendu sarea errebisatuko dute; eta hori dela eta, kalea trafikoari itxita egongo da, goizeko 09:30etatik 11:30etara.
Eta bestetik, herriko toki desberdinetan, galdutako zenbait zuhaitz ordezkatuko dituzte, astelehenean hasita; eta tartean, bost ezki berri landatuko dituzte, Tilosetan, ezkien zaharberritze planarekin jarraituz. Gainerako zuhaitzak, Bidebietan, Izpizuan, Larraurin, anbulatorio atzean, Txantxillan edota Atzietan aldatuko dituzte; guztira, 36 zuhaitz berri.
Udalak, web orri berria
Udalak, bestalde, web orria ere berritu du, eta azken egun hauetan estreinatu dute. Dagoeneko martxan dago, itxura berriarekin eta hainbat atal eta txoko berrirekin.