Bat egin du Orain Hernanik, martxoaren 19an egingo den herri galdeketarekin, eta herritar guztiak animatu nahi izan ditu, parte hartu eta bozka ematera: «osasun onekoa da, beste kontsultei bidea ireki eta herritarren boterea haundituko duten herritar mugimenduak babestea», adierazi du alderdiak.
Izan ere, «ulertzeko zaila» iruditzen zaio Orain Hernaniri, «eskubide sozialak egotea, eskubide politikorik gabe».
Eta gaineratu du: «kontsulta hau, adierazpen demokratikoari dagokion eskubidearekiko aldarrikapena da, eta bere DNAn dago, mugimendu sozialak lagundu, bultzatu eta parte hartzea».