Jarri du martxan Hernaniko Udalak, San Joan jaietako kartela aukeratzeko lehiaketa. Dagoeneko aurkeztu daitezke proposamenak, eta apirilaren 6ra arte dago epea. Biterin entregatu behar dira, 18:00ak eta 20:00ak bitarte, sinadurarik gabe eta kartazal itxian, adieraziz egilearen izena, helbidea eta telefonoa.
Kartelak, nahitaez, izan behar du San Joan jaiak. Hernani 2017 goiburua. 32 zentimetro izango ditu zabaleran, eta 48 altueran; ezinbestekoa da formatu digitalean aurkeztea, eta aukeran, paperean ere aurkeztea.
Jai Batzordeak, sei kartel aukeratuko ditu gehienez, apirilaren 24an, gero herritarrek bozkatzeko. Irabazleak, 600 euroko saria jasoko du.