Gaur egingo du debuta Endika Barrenetxea hernaniarrak, Sagardoaren Txapelketan. Ezkurra IIrekin ariko da, Oialume Zar sagardotegia ordezkatuz, Urriza eta Azpirozen kontra (Larre Gain). Hirugarren partidua izango da, arratsaldeko 16:00etan hasita Galarretan.
Bi bikoteak estreinatuko dira gaur; biak ere, oso bikote indartsuak. Barrenetxea aurreko astean bueltatu zen kantxara, bi hilabete gogorren ondoren, eta gogotsu dago, txapelketa on bat jokatzeko.
Aurretik, txapelketako beste partidu bat ere jokatuko da, gaur arratsaldean: Ezkurra eta Aizpuru III (Altzueta), Uterga eta Larrañagaren (Gaztañaga) kontra. Biek irabazi zuten aurreneko partidua, eta multzoko lidertza dago jokoan.