Emakumearen Nazioarteko Eguna izango da etzi, baina lehenago hainbat ekitaldi antolatu dira egunaren bueltan.
Atzokoan, 4.801 emakume atera ziren Donostiako Lilatoian korrika, eta tartean, noski, 123 hernaniar. Hain zuzen, Maitane Guerrero hernaniarak, iazko txapeldunak, bigarren egin zuen 18:02ko denborarekin, eta Hoki Guerrerok bosgarren, (18:57). Hirugarren hernaniarra, Oihana Ezponda izan zen (20:13), eta txapelduna, Izaro Rubio ordiziarra (17:53).
Bihar, antzerkia
Datozen egunetan ere, Martxoaren 8aren harira hainbat ekitaldi izango dira Hernanin: bihar, Ovarios verdes fritos antzezlana, 19:00etan Biterin; etzi, Marijira, 19:00etan Plaza Berritik aterata; ostegunean, hitzaldia: Zapatismoaren ekarpenak borroka feministara; eta ostiralean, En tránsito dokumentala eta solasaldia. Aurrerago ere, ekintza gehiago izango da; hilaren 28an hitzaldia eta Duo Jaderen kontzertua, eta 29an, Zinegoak jaialdia.