Gari eta Baldoren kasuak azalera, presoen egoeraren azterketan

Presoen egoera «tamal­ga­rria» dela gogorarazi nahi izan du Hernaniko Sarek, eta Gari eta Baldo preso her­na­nia­rren kasuak azaleratu nahi izan ditu; «giza es­ku­bideen urraketa nabarmena agerian uzten duten bi kasu: gaixo larriena eta zigorren batuketen (kondena bikoi­tza) egoerarena».

«Osasunerako eskubidea; oinarrizko eskubidea»
Garikoitz Arruarteren ka­su­an, Sarek azpimarratu du «osa­sunerako eskubidea urra­tuta» daukala. 
«2005ean diagnostikatu zio­ten Aldebiko Uveitis Aku­tua, eta 2007an, Espondilitis An­kilopoietikoa, gaixotasun de­generatibo eta sendae­zi­na. Izugarrizko kaltea egiten diote osasunean, espetxeak dituen egitura fi­siko, arau­te­gi eta politika be­rezituek; osa­sun asistentzia ezak eta trabak; asistentzia dietetiko-higieniko eskasak; kon­tsul­tarako tramite luze­e­giek; eta kontsultetarako tras­la­doen baldintza onartezinak». 
Gainera, «tratamendu mi­nimo bat ez edukitzeak ego­era larritzen» duela ohar­ta­razi du. «Profesionalen te­ra­pia desberdinak, dieta osa­sun­garria eta baldintza kon­kre­tu batzuk betetzea ezin­bes­tekoa da gaixotasuna aha­lik eta ondoen era­ma­te­ko, eta hori espetxean ezi­nez­koa da. Horrek egoera la­rritzeko arriskua dakar».
Guztiaren aurrean, Sarek az­pimarratzen du «osasu­ne­ra­­ko eskubidea eta osasun asistentzia duin bat izateko es­kubidea, pertsona guztien oinarrizko eskubidea» dela. «Gaixo dauden presoak, per­tso­nak izateagatik soilik, osa­sun eskubidea aitortua eta errespetua izan behar du­te, pertsona horiek tratu duin eta humanoa jasotzeko eta osasun asistentzia ego­kia izateko eskubidea dute, nahiz eta preso egon».

«Kalean behar luke Baldok»
Jose Javier Zabaleta, Bal­do­ren kasua bes­te­la­koa da. «Zigorraren ba­tu­keta aintzat hartuko balute, kalean behar luke», azaldu du Sarek.
«Kondena bikoitza ezar­tzen ari da estatu espainola, Eu­ropako legediak dioenari muzin eginez. Legedi horrek dioenaren arabera, europar komunitateko estatu ez­ber­di­netako sententziek eragin bera izan behar dute. On­do­ri­oz, Frantzian betetako kondena epealdia kontuan hartu beharko luke estatu espainolak»
Baldok, hain zuzen, 27 urte daramazki preso Fran­tzi­an zein Espainian. «Urte haue­tan jasotako erre­den­tzi­o­ak kontuan hartuko balira, hau ere ez baitu estatu es­pai­nolak kontuan hartzen, due­la 3 urte kalean egon be­har­ko luke. Estatu espai­no­lak, Europako legediaren apli­kazio maltzur bat egiten du, Europa berak eskatutako zuzenketei kasurik egin gabe».