Inauterien bueltan, martxorako egitaraua estreinatuko dute asteburu honetan Gaztelekuan dabiltzan astigartar gazteek.
Horretarako, datorren martxoaren 8ko Emakumeen Nazioarteko Egunaren bueltako ekintzak izango dituzte gaur eta bihar: Emakumeen aldeko graffitia eta opariak banatuko dituzte, hurrenez hurren. Horrez gain, Emakumeon Plazaren inaugurazioan hartuko dute parte asteazkenean bertan.
Baina ez da martxoan zehar landuko duten gai bakarra.
Drogen inguruko tailerra egingo dute, azkeneko bi larunbatetan.
Beste hainbat ekintza, datozen asteburutan
Hurrengo asteburuak ere, ekintzaz lepo datoz: mendi irteera eta zineforuma egingo dute, hurrengoan; eta drogen arriskuen eta gozamenaren kudeaketaren inguruko tailerra izango dute azkeneko bi larunbatetan.
MARTXOKO PROGRAMAZIOA
4 Emakumearen aldeko graffitia
5 Emakumeei opariak banatzen
8 Emakumeon plazaren inaugurazioa
11 Mendi irteera
12 Zineforuma
18 Droga arriskuen eta gozamenen kudeaketaren tailerra
19 Itxita
25 Droga arriskuen eta gozamenen kudeaketaren tailerra
26 Jaboiak
*Astelehenetan ixita egongo da; eta asteartetik ostegunera bitarte, lagunki ekimena egingo dute, ohikoa den bezala.