Hortzmuga Teatroa taldearen eskutik, Femmes antzerkia egingo dute ostegunean Joseba Barandiaran plazan. «Lau atso sumindu dira kale antzerkiko protagonistak. Inguruan ikusten dutenarekin nazkatuta, kalera aterako dira beraien iraultza propioa egitera»; argumentu hori oinarri izanda, inprobisazioan oinarritzen da ikuskizuna, eta beraz, parte-hartze aktiboa izango du publikoak. Antzerkiaren asmoa da eguneroko arazoak umoretik eraldatzea. Arratsaldeko 19:00etan hasiko da.