Urtero bezala, iaz jaiotako astigartar gazteak izango dira omenduak bihar, Zuhaitz Egunean. Eguerdiko 12:00etan hasiko da landaketa, eta azkeneko urteetan bezalaxe, Larraburu baserriaren inguruetan izango da.
106 astigartar, omenduak
Aurreko urtean jaiotako haurrei ongietorria egiteko aprobetxatzen dute Zuhaitz Eguna Astigarragan, eta aurten ere, ez da gutxiago izango. Denera, 106 haur astigartar omenduko dituzte biharkoan, eta beraz, horientzat guztientzat prestatu dituzte astigarrak, beraien familiek landatu ditzaten.
Kopuruak gora, azken urteotan
Aurreko urteetako kopuruak alderatuz gero, Astigarragako haur jaioberrien zifrak gorakada jasa zuen 2016an. 86 izan baitziren 2015ean, eta 79, 2014an.