Martxan dira aurten ere, beste denboraldi batez, Hernaniko txirrindulariak. Alebin eta infantilek, gaur daukate urteko bigarren lasterketa, Hondarribian. Txiplau kalean izango da, arratsaldeko 16:30etan hasita; eta bertara joateko, Transpakarren jarri du zita JOCC taldeak, 15:00etan.
Baina urteko zita nagusia, datorren asteburuan izango dute: Peña Otaño Saria jokatuko da larunbatean, Hernanin. Arratsaldeko 16:00etatik, zirkuitua egingo dute, Urbieta kaletik abiatuta.
Lasterketaren ondoren, eta nobedade bezala, ginkana antolatuko dute, Latsunbeberriko kirol eta tenis pistetan.
Zikloturistek, bihar aurreneko irteera
Zikuñako Ama zikloturista taldeak, berriz, bihar hasiko du denboraldi berria. Zarauzko kanpinera egingo dute aurreneko irteera, 42 kilometrokoa. Zinkoeneatik abiatuko dira, goizeko 09:00etan.