Ostegunean hasi zen Sagardoaren Txapelketa, eta Ezkurrak eta Zubirik (Altzueta) lortu zuten garaipena (40-37), Otaegi eta Ionen (Petritegi) kontra; Aizpuru III lesionatuaren partez aritu zen Zubiri, aurreneko partidu horretan. Eta gaur, Sagardoaren Txapelketarekin zita bikoitza jarri dute, arratsaldeko 16:00etan hasita Galarretan: Uterga eta Larrañaga (Gaztañaga), Ansa II eta Endikaren (Setien) kontra; eta Etxeberria IV eta Etxeberria III (Gurutzeta), Segurola eta Agirrezabalaren (Bereziartua) kontra. Beste bi partidu ere izango dira, gaur arratsaldeko jaialdian.