Arriatzun gaur, Lujanbio, Mujika eta Martikorena

Gipuzkoako Herriarteko Ber­tso­lari Txapelketako au­rre­ne­ko fasea bukatzeko puntuan daude batzuk, eta hasteko, oraindik, beste batzuk.
Hernani I taldeak gaur egingo du bigarren saioa, 21:00etan hasita Arriatzuko eskolan, bertso afari baten bueltan (aurretik izena eman behar zen). Maialen Lujanbio, Eñaut Martikorena, eta An­do­ni Mujika ariko dira, Az­koi­tia­ko Erniarraitz III taldea osa­tzen duten Ugaitz Beristain, Xa­bier Aldalur eta Eneritz Artetxeren kontra. Saio honekin bukatuko dute aurreneko fasea.

Ereñotzuarrak ere gaur, baina kanpoan
Ereñotzuko taldeak ere gaurko saioarekin bukatuko du au­rre­neko fasea. Aurrenekoan etxe­an aritu ziren Arnaitz Lasarte, Aritz Zerain, Ibon Miner eta Iñaki Zelaia, Amaia Otxo­to­rena epaile zutela eta Mikel Peruarena gai-jartzaile, eta gaur, 21:00etan hasita, Irungo Hazia Kultur Elkartean ariko dira Txingudi I taldekoen kontra; Abel Zabala, Iñigo Ugarte eta Andoni Zelaiaren kontra, hain zuzen.

Hernani II, bihar martxan
Oraindik aurreneko faseari ekin ez dion taldea, berriz, Her­na­ni II da; bihar estrei­na­tu­ko dira. Mutrikuko Gazte­txe­an, 22:30etan kantatuko dute Oier Iurramendi, Iker Osa, Unai Agirre eta Iker Or­ma­zabalek, Eñaut Agirre  gai-jartzaile dutela eta Jon Iraola epaile, Mutrikuko Arnope taldearen kontra.