Udaberri-uda aldean hasiko dira Zaharren Egoitzako obrak

2016ko aurrekontu partehar­tzaile­etan boto gehien jaso ondoren, Zaharren Egoitza­ren birmoldaketa lanak las­ter jarriko du martxan Uda­lak. Udaberri-uda aldera hasi­ko direla aurreikusten dute, eta gutxi gorabehera hilabete eta erdi luzatuko dira obrak.

Obrak, bi fasetan
Udalak beraz azaldu due­naren arabera, bi fasetan egin­go dira obra-lanak. Au­rre­ne­ko faseari ekingo diote lehenengo, orduan, «ekin­tzarik garrantzitsuena loka­lean su­kalde industriala jar­tzea izan­go da, eta honekin bate­ra, ontzi-garbigailua eta hori­ei dagokien hornikuntza ere jarriko da», diote. 
Horrekin batera, fase honetan, Udalak jarduera lizentzia berria bideratuko du «lokala legeztatzeko». 
Beste aldaketa batzuk ere, izango dira: «komunak ego­kitu egingo dira baita ere, desgaitasuna daukaten era­biltzaileei begira. Eta horrek, biltegien lekualdaketa era­gingo du, betiere, espaziorik galdu gabe. Azkenik, loka­la­ren isolamendua indartuko da, lehioak aldatuz».

Lokala haunditzea aurreikusten da, bigarren fasean.

Bigarren fasea, aurrerago
Berrikuntza-lanen bigarren fa­sea, aldiz, aurrerago egingo dute, Bake Epaitegiaren egoi­tza lekuz aldatzen dutenean. Horren ondorioz, hutsik gera­tuko da Egoitzaren ondo­an da­­goen lokala, beraz, Za­ha­rren Egoitza haundi­tzeko era­biliko dute. Horrela, Udalak jakinarazi duenez, «bingo gelak espazio gehiago izango du, eta egoitzak ekintza auke­ra haundiagoak eskaini ahal izango ditu».

Elkarlana, elkarteko kideekin
Aurrekontu partehartzaile­etan aurrera egin ondoren, elkarteko kideekin bildu da Udala, lehentasunak ados­teko. Obrak iraun bitartean, orain arteko harreman estua matententzeko konpromezua daukatela adierazi dute.