Emanhar Elkarteak, Ede Fundazioak eta Kiribil Sareak elkarlanean, OasisLab proiektua jarri nahi dute martxan, Hernanin. Bihar aurkeztuko dute, 18:30etan Biterin, eta parte hartzera animatu nahi dituzte hernaniarrak.
Hiru asteburu eta egun bat
Helburua da «bizitu nahi dugun herria elkarrekin eraikitzea», eta horretarako, «Hernaniko gizartea, ingurugiroa, ekonomia eta kultura gogoz eraldatzeko interesa duten 30 partaide» bildu nahi dituzte.
Biharko aurkezpenaren ondoren, hiru asteburutan eta beste egun batean biltzea proposatzen dute; martxoaren 17-19an, martxoaren 24-26an, apirilaren 1-2an eta apirilaren 7an.
Parte hartu nahi duenak doan eman dezake izena: 677 662 637, info@emanhar.org edo www.emanhar.org.