MARTXOAREN 11n egingo da Sagar Lasterra herri lasterketa; aurten, 11garren edizioa. Izenematea irekita dago, www.kirolprobak.com helbide elektronikoan, martxoaren 10era arte.
Ia 10km, sagardotegietan barrena
Lasterketa Hernani Arraun Elkartearen egoitzan, Ibarluze poligonoan hasiko da, goizeko 11:00etan. Autobusa jarriko da, doan, kiroldegitik bertara joateko.
Guztira, 8,9km egin beharko dira, hainbat sagardotegitatik barrena; Goiko-Lastola, Iparragirre, Altzueta, Olaizola eta Otsua-enea eta Itsasburu. Handik, Portuan barrena Floridaraino jaitsi, eta handik Latsunbe auzora igo beharko da, Ave Maria parkean bukatzeko.
600 korrikalari
Izena emateak 9 euro balio du, txip horia behar dutenentzat, eta 11 euro, txip txuria eskatuz gero. Egunean bertan ere izango da aukera izena emateko, 16 euroan.
Sariak, denentzat
Lasterketa bi kategoriatan jokatuko da; absolutuetan eta beteranoetan. Baina parte-hartzaile guztien artean zozketatuko dira makina bat sari.