sukaldaritzari lotutako programa izango da biharko Hitzetik Hortzera telebista saioarena eta Basque Culinary Centerren grabatutako Bertso Gutiziak eskainiko dituzte, 15:00etatik aurrera, ETB1en. Sukaldaritzak eta bertsolaritzak harreman estua izan dute urte luzeetan eta horren lekuko izango da aste honetako Hitzetik Hortzera.
Maialen Lujanbio, Andoni Egaña, Iker Zubeldia eta Unai Agirre aritu ziren bertan kantuan, Aitor Mendiluze gidari zutela. Sukaldaritza gai hartuta aritu ziren kantuan, eta saio umoretsua osatu zuten. Eta laster interneten ere aurkitu ahal izango da EITB Nahieranen.
Bertso Gutizien saioa, programaren, bigarren zatian emitituko da eta lehenik Iturengo Kontu Egunean eginiko bazkalosteko saioa eskainiko dute. Bertan, Amets Arazalluz eta Iker Zubeldiak kantatu zuten.
Gaur egungo sukaldaritza modernoaren berri gertuagotik ezagutzeko Juan Mari Arzaken sukaldera ere joango dira saiokoak bisitan, eta bertsolaritzarekin duen harremanaren berri ere emango dute.