Inauteri giroan bete-betean sartu zen atzo Hernaniko Musika Banda, eta Milagrosan emandako kontzertuari esker, hernaniar guztiak kutsatu zituzten giroarekin.
Eta ez edozein modutan, gainera; debaldeko bidaia eskaini baitzioten publikoari, Italian barrena.
Dolce Vita, Hernanin
Atzoko kontzertuarekin, Toscana, Firenze edota Veneziaraino bidaiatu ahal izan zuten hernaniarrek, hainbat obra italiar ezagunen bidez. Canzoni D’Italia, Pucciniren Concerto eta Morriconeren obrekin, edota Il Padrino ezagunarekin, Dolce Vitan murgildu zen Milagrosa.
Eta bidaia horretan lagun izan zuten, gainera, Toscanako txoritxoaren txorrotxioa. Izan ere, Tino Martini, Sienatik etorritako abeslari italiar famatua, ezizen horrekin ezaguna dena, aritu zen abeslari bakarlari lanetan, Gianni Ferroren Piccolissima Serenata eta Renato Rascelen Arrivederci Roma obretan.
Datozen egunetan, festa!
Lehengo astean Inauteriak iragartzeko kontzertua eman zuen Bandak, Tolosako Inauterietako doinuekin, eta atzoko kontzertuarekin osatu zuen errepertorioa. Orain, festarako tartea iritsi da!