Gipuzkoako Herriarteko Bertsolari Txapelketan aurreneko saioa egin zuten lehengo astean ereñotzuarrek. Arnaitz Lasarte, Aritz Zerain, Ibon Miner eta Iñaki Zelaia aritu ziren bertsotan; Amaia Otxotorena epaile lanetan; eta Mikel Peruarena, gai-jartzaile.
Ur Mia elkartean bildu ziren, afalondorenean, eta giro ederra sortzea lortu zuten. Eta ez hori bakarrik; baita irabaztea ere! Azkoitiako bertsolariek animoak ematen zizkieten ikusle asko ekarri bazituzten ere, etxekoak izan ziren nagusi, 15 eta 9.
Txingudikoen kontra, gaur zortzi
Aurreneko saioa irabazi arren, txapelketako aurreneko fasea gainditzeko, saio bat geratzen zaio Ereñotzuri. Datorren larunbatean, martxoak 3, Irunen izango dute, Txingudi I taldearen kontra.