Sinesmenaren ikuspegitik, bizitzari buruzko gogoeta bat egiteko aukera eskaini nahi du, Urumea Harana Pastoral Barrutiko Helduen Taldeak. Eta horretarako, sendotza edo konfirmaziorako ibilbide laburra egingo du, martxoaren 6tik maiatzaren 29ra. Astelehenetan izango dira saioak, arratsaldeko 19:30etatik 20:45etara, Hernaniko Tilosetako Donibane Gunean. Ibilbide hori eginda, ekainaren 3an, Pentekoste bezperan, sendotzako sakramentua hartu ahal izango dute. 18 urtetik gorakoentzat da, eta interesatuek, izena eman behar dute, martxoaren 6a baino lehen, nork bere parrokiko bulegoan.