il circo italiano zirko konpainiak Bizitza ikuskizuna ekarri du Hernanira datozen egunetarako. Hiru egunetan, Florida auzoan ipini duten karpan egongo dira. Bost emanaldi izango dira guztira. Bihar, lehendabizikoa, 17:00etan hasiko da eta hurrengo laurak larunbatean eta igandean eskainiko dira. Larunbateko saioak 17:00etan eta 19:30etan izango dira eta igandean eguerdiko 12:00etan eta, azkena, 17:00etan hasiko dira.
Rossi sendiaren espektakuluak oihana du inspirazio eta bi ordu irauten du. Bertan ikusi ahal izango dira Paute eta Capitano pailazoak. Itzalekin eta koloreekin, berdea nagusi delarik, saio berezi bat egingo dute, istorio bat kontatuz oihanari lotutakoa. Trapezioak, zintak... magia saio berri bat azken finean.