Bihar egingo dute inauterien hasiera ofiziala, arratsaldeko 15:15etan, Plazan. Bertan elkartuko dira herriko eskola guztietako haur eta gazteak. Pregoia irakurri, eta txarangaren atzetik aterako dira, inauteriak alaitasunez eta dantzan hasteko.
Ondoren, 17:00etan aterako dira erraldoi eta buruhaundiak, dultzaineroek eta Kriskitiña dantza taldeak lagunduta. Eta 17:30etan, haurrentzako Dj Porru eta Zunba Txikia egongo dira Plaza Berrin.
Aurten badira berrikuntza batzuk eta horien artean da, 18:30etan aterako den gazte batukada herrikoia, Zo-Zongó taldearekin, Gaztelekuak antolatuta. 19:00etan esku pelota partiduak izango dira, kiroldegiko frontoian eta 19:30etan, Italiako doinuak joko ditu Musika Bandak Milagrosan.
Gazte bazkaria, larunbatean
Inauteriak ospatzeko, bazkaria egingo du larunbatean: Sutu Hernanik antolatu du gaztetxean.
Bazkari horretara joan nahi duenak, aldez aurretik Aker, Goiz Argi Garin eta Zintzarri tabernetan dauden listetan apuntatu behar du. 12 euro balio du. Menua hau izango da: makarroiak, albondigak eta gazta-tarta. Eta menu beganoa ere eskatu daiteke, izen ematean.
BIHAR-EGITARAUA
-15:15etan: Jaien hasiera Gudarien plazan. Jarraian eskolako umeak irtengo dira txarangarekin.
-17:00etan: Erraldo eta Buruhandiak. Kriskitiña dantza taldea eta Hernani Musika Eskola Publikoko dultzaineroak.
-17:30etan: Haurrentzat DJ Porru eta Zunba Txikia Plaza Berrin.
-18:30etan: Gazte Batukada herrikoia. Zo-Zongó. Gaztelekuak antolaturik.
-19:00etan: Afizionatu kategoriko pelota partiduak kiroldegian.
-19:30etan: Bella Italia, Hernaniko Musika Bandaren kontzertua Milagrosan.